துடுப்புகளின் சப்பாத்துகள்

-- சுத்த சன்யாசி

கரங்கள் காய்த்துக் கிடந்தன
வலித்து வலித்து
அட்ச தீர்க்க ரேகைகளாயின்றி குழப்பக் கோடுகள்
கைரேகைகள் குறியீடா?
மேலே கல்வி கீழே கலவி
நடுவே ஆயுள் அல்லது செல்வம்
சை(டு)கிக் கூறினார்

ஒரு பார்வை.
இழுத்து நிறுத்திய இழுத்து நிறுத்திய
நாணோ, உண்டி வில்லோ
வளைந்து பின் திமிறும், விடுக்கையில்
விட்ட கையின் வலிமையே வாசமென

சப்பாத்து கடிக்கின்றது
சபலமும் கடிக்கின்றது பலகாலம் முன்பே தொலைந்துபோன
காமக்கயிறும் கடி'வாளமும்
தலைகீழாய்ப் பிறப்பென்பதால் பிம்பம் எஞ்சும்
ஆடிகளின் பிரதிபலிப்பில் இடவலமாய்

மோனத்திலாழ்வது உள்ளமல்ல
மூத்திரசந்தின் கோலிகில்லி ஆட்டத்தில்
பறந்து மறையும் கிட்டியில் புள்ளென்றது
வலித்துக் காய்ந்த கரமும் தாழ்ந்த சிரமும்
சீறிப் பாய்ந்ததில்
சிதறுகாயாகும் கனவு

எகத்தாளமாய் வலிக்கும் உரமேறிய கைகள்
நீரில் நேர்க்கோடு கிழிக்கின்றது
அலட்சியமாய் முன்னேறும் படகு
தன் சுக்கானைப் பார்த்துத் தானுமொரு
கோட்டை கோடாய்ச் சமைத்து
கரத்தின் கைவன்மையின் நெளிவு சுளிவுகளுடன்
சில குமிழிகள்
நீரோட்டத்தின் நெடிய பயணத்தில் எழுந்தவொரு திடீர் ஆழிப்பேரலை
எழுந்தும் அலையில் அலைபாயாமல்
நாசூக்காய் நகர்ந்து விரையும் படகு
பேரலையைக் கண்டு பெருங்கூச்சலிடும் பேதமை
குழப்பக் கோட்டை கட்டுகின்றது
குமிழிகள் உடைகின்றது

உடைந்து மறைந்தாலும் நிலை தானென்கிறது
நிலையில்லாத நிலைமறந்த நிலைகெட்ட நிலைமை
ஸ்திரமற்ற தன்மையில் வெடித்து மறையும் குமிழி.
எதிர்துருவங்களை இணைக்க
பாதை தேடி படகினைச் செலுத்தி
கட்டுடைக்கும் பயணத்தில் கற்பனை கசிந்துருகி
துடுப்புகளுக்கும் பாதணிகள் கொடுக்கின்றோம்

கீறிப் பிளந்த நீரினில்
விளைந்த குமிழிகள் கடல்கண்ணிகள்.

பி.கு. பிரியாத பதிவு போட்டி ஒண்ணு முகமூடி அறிவிச்சதால இது நம்மளோட பங்களிப்பு
வாத்துப் படம் இல்லாமலா?
போட்டோ உபயம்: feathersite.com