நான் பின்னூட்டங்களை படிப்பதில்லை

எழுதுவதே புரியாத போது
வலைப்பூவில் இருக்கும் இரு பதிவுப்பூ(ச்)சிகளுக்கு
ஏனிந்த விளக்கவுரை வேலையென
கேட்டபோது மனசிலொரு கடுகடு

எழுதும் போது
பதிவுப்பூசிகள் சொல் கெ(!)டுக்குமா?
எனக்கேட்டு அனுப்பிய
பதிவுப்பூசி மின்னட்டை
எரிதங்களுடன் எங்கேயோ பத்திரமாய்

பிறந்தநாள் பதிவென்று
நீ நறுக்கிப் போட்ட பதிவு
நாம் பின்னூட்டப் பேழையில்
பிளந்துகட்ட
பேழை முழுக்க ஆய் போன
அனானிகள்

சிலநாட்களே வாழ்ந்துமடியும்
ஹேலோஸ்கான் பின்னூட்டங்களுக்குள்
கைகலப்பு சண்டை நடந்ததென
விட்டுச்சென்ற கசந்த
அந்த கடைசி பதிவு

மன்னிக்கவும்,
நான் இப்பொழுது
பின்னூட்டங்களையெல்லாம் ப(பி)டிப்பதில்லை